影片
更多
2015-09-17
243 瀏覽
今日係銅鑼灣, 進行一般男女朋友假日都會做嘅節目⋯行街、睇戲、食飯。今晚睇果場戲係十點半，下午行過街食過甜品，已經七點幾。唔係太餓，於是，我哋決定搵個地方坐低，再飲個happy hour ，食啲小食先入場。最近Fashion walk 開左幾家好有特色嘅西餐廳。我哋行到去嗰度，原本已經選擇咗一間餐廳，見到室內無咩人，個個都坐外面，我地都選擇左露天位置黎坐，貪佢開揚氣氛好。但係最近香港嘅天氣陰晴不定，反覆落雨。今晚空氣非常悶熱又無半點風，我哋坐低睇坐左一陣menu, 已經熱到成身汗。出坐露天又冇風扇又無風，怕熱既佢開始有啲炆憎，提議不如我哋轉場去啲有冷氣嘅地方舒服啲。何況轉個頭如果落雨，坐室外又要搬嚟搬去，好麻煩。所以我哋就走咗去駱克道, 最後揀咗一間裝修風格同埋 Fashion Walk 同嗰度差唔多嘅Mini Club.Mini Club 個裝修好浪漫，有一個顯眼嘅紅色巴黎鐵塔倒掛喺場中間，現場音樂節奏明快，冷氣夠凍，燈光有情調，店員又熱情。我哋嘅心情即刻變得開心起嚟。我哋選擇咗一個窗邊個位置坐低，可以睇到樓下街景，非常唔錯。場地非常闊落，店員俾左個I pad ，上面就係佢地既 me
今晚睇果場戲係十點半，下午行過街食過甜品，已經七點幾。唔係太餓，於是，我哋決定搵個地方坐低，再飲個happy hour ，食啲小食先入場。
最近Fashion walk 開左幾家好有特色嘅西餐廳。我哋行到去嗰度，原本已經選擇咗一間餐廳，見到室內無咩人，個個都坐外面，我地都選擇左露天位置黎坐，貪佢開揚氣氛好。
但係最近香港嘅天氣陰晴不定，反覆落雨。今晚空氣非常悶熱又無半點風，我哋坐低睇坐左一陣menu, 已經熱到成身汗。
出坐露天又冇風扇又無風，怕熱既佢開始有啲炆憎，提議不如我哋轉場去啲有冷氣嘅地方舒服啲。何況轉個頭如果落雨，坐室外又要搬嚟搬去，好麻煩。
所以我哋就走咗去駱克道, 最後揀咗一間裝修風格同埋 Fashion Walk 同嗰度差唔多嘅Mini Club.
Mini Club 個裝修好浪漫，有一個顯眼嘅紅色巴黎鐵塔倒掛喺場中間，現場音樂節奏明快，冷氣夠凍，燈光有情調，店員又熱情。我哋嘅心情即刻變得開心起嚟。我哋選擇咗一個窗邊個位置坐低，可以睇到樓下街景，非常唔錯。
場地非常闊落，店員俾左個I pad ，上面就係佢地既 menu 同圖片。我地睇到佢哋嘅生蠔，海鮮拼盤，小食，同各式各樣嘅紅白酒，真係目不暇給。
店員好有耐心甘介紹呢度嘅菜式，仲有一啲promotion 嘅套餐，我哋見有時間，決定食佢呢度嘅海鮮套餐。食海鮮當然要有白酒嘅襯托啦，反正距離開場時間仲有兩個幾鐘，所以我哋決定揀一支白酒慢慢嘆。選酒嘅時候，我哋三心兩意決定唔到。店員帶領我哋去到佢哋門口一個酒吧區，果度可以見到各式各樣嘅酒，隨便睇隨便揀心水之作，好好既設計吖！
反正距離開場時間仲有兩個幾鐘。店員先幫我地開左支白酒，跟住海鮮拼盤上場！
龍蝦嘅蝦膏好多蝦膏蝦肉爽脆鮑魚亦都非常新鮮彈牙，翡翠螺都唔錯係清甜美味嘅 )
青口過得去，蜆肉就無咩味道麵包蟹都係蟹膏豐富無比。一邊飲白酒，一邊嘆海鮮，真係無敵享受。店員非常細心，係我哋食海鮮拼盤嘅時候不停替我地更換新嘅濕紙巾同添酒，可以令我哋一路食海鮮嘅時候，唔會因為隻手黏立立，搞到周圍都係腥味，服務一讚！
跟住黎的生蠔，我哋叫左一隻較creamy既美國品種 ,另一隻法國生蠔海水味則較重，兩隻都各有千秋。由於新鮮，我兩隻都非常之鍾意。估唔到係呢度會有好食又新鮮嘅生蠔，價錢又合理。大家如果鍾意食生蠔嘅，建議你哋黎呢度試吓。
呢個海鮮拼盤同生蠔，不知不覺食咗一個半鐘。為免趕唔切睇戲，又驚睇睇下套戲會肚餓，最後叫咗個冬陰公Pizza打底。
冬陰公味嘅Pizza第一次食，做得非常之正。正宗程度媲美冬陰公湯。鍾意食辣嘅佢覺得非常好味，個外層焗覺得脆脆嘅，15分鐘唔夠已經食咗5塊，大讚好正！至少出面食唔到。泰國料理嘅fans，同嗜冬陰公者，千其唔好錯過呢個Pizza。
今日可以搵到呢一個咁有特色嘅環境我覺得非常之好彩由於係樓上，私隱度非常之高。裝修又用左而家時尚又流行嘅歐陸風裝修，而且價錢又非常之合理。一個人既平均消費，食海鮮生蠔，連飲酒先至＄400-$450。我一定會再同佢一齊返嚟 
張貼
