影片
更多
2017-07-17
1268 瀏覽
老婆大人超級鍾意食蟹，去日本食過釜飯佢都讃過釜飯夠健康亦好鮮味，早前係電視見到銅鑼灣介紹呢間奈良上釜已經好想帶老婆去食。上星期同事去食完同我地分享奈良上釜推出的蟹盛，非常吸引，所以我決定星期日晚偷偷帶老婆來食，俾個驚喜佢。😘我地今日係銅鑼灣行完街後，我就同老婆講要去登龍街食拉麵，其實係已經安排左去奈良上釜食釜飯。我地18:30到，當然已經左好多枱客人，之後到場的客人已經需要在門外排隊了。老婆入到餐廳見係食好多蟹的釜飯超級開心。😍我自己其實都好鍾意食蟹，我地點左一客蟹盛同一客奈良七盛釜SHARE。蟹盛釜飯係有超多蟹膏蟹肉同蟹籽，另配松葉蟹腳天婦羅、三隻松葉蟹腳、松葉蟹茶壺蒸、味噌湯、漬物同生果，每客$298。奈良七盛釜飯材料有蟹肉、海蝦、鮑魚、三文魚子、冬菇、白本菇同三葉，另配刺身、凍豆腐、茶壺蒸、味噌湯、漬物同生果，每客$288。奈良七盛釜飯配的刺身有蝦、油甘魚同拖羅，全部都好鮮甜。蝦肉夠彈牙，油甘魚同拖羅都係厚切，油分好夠入口啖啖魚油香。😋松葉蟹腳賣相已經滿分，殼亦已幫我地係背面開左，幫我地呢D呃LIKE一族考慮得相當周到。👍配松葉蟹腳的汁唔太酸，唔會搶左松葉蟹的鮮甜，背面開左一片殼
我地今日係銅鑼灣行完街後，我就同老婆講要去登龍街食拉麵，其實係已經安排左去奈良上釜食釜飯。我地18:30到，當然已經左好多枱客人，之後到場的客人已經需要在門外排隊了。老婆入到餐廳見係食好多蟹的釜飯超級開心。😍我自己其實都好鍾意食蟹，我地點左一客蟹盛同一客奈良七盛釜SHARE。
蟹盛釜飯係有超多蟹膏蟹肉同蟹籽，另配松葉蟹腳天婦羅、三隻松葉蟹腳、松葉蟹茶壺蒸、味噌湯、漬物同生果，每客$298。
奈良七盛釜飯材料有蟹肉、海蝦、鮑魚、三文魚子、冬菇、白本菇同三葉，另配刺身、凍豆腐、茶壺蒸、味噌湯、漬物同生果，每客$288。
奈良七盛釜飯配的刺身有蝦、油甘魚同拖羅，全部都好鮮甜。蝦肉夠彈牙，油甘魚同拖羅都係厚切，油分好夠入口啖啖魚油香。😋
松葉蟹腳賣相已經滿分，殼亦已幫我地係背面開左，幫我地呢D呃LIKE一族考慮得相當周到。👍
配松葉蟹腳的汁唔太酸，唔會搶左松葉蟹的鮮甜，背面開左一片殼，食起來非常方便。
煮物好入味，賣相似豚肉，其實係魚，非常軟腍。
奈良七盛釜飯配的茶壺蒸，蛋好細滑，唔太咸蛋味亦好濃，配料都好多。
奈良七盛釜飯配的茶壺蒸、凍豆腐同漬物。(凍豆腐同漬物老婆食哂🙊)
蟹盛配的松葉蟹腳天婦羅，除左係日本，我好少係香港食松葉蟹腳天婦羅，呢個天婦羅炸得非常好，而且蟹肉炸完仍然鮮嫩多汁。👍
食完前菜之後我開始擔心，因為連我都而且半飽，老婆唔知仲食唔食得落個釜飯呢?!(唯有飲返啖茶消化一下啦)🍵
老婆話好鍾意呢度D茶杯，確係幾靚。
蟹盛的主角: 蟹盛釜飯連同松葉蟹茶壺蒸、味噌湯、漬物同生果一齊上，釜飯的蟹膏蟹肉好多，飯底同海鮮一齊蒸煮，吸收左海鮮精華，每啖飯都混有蟹膏同好多蟹肉，鮮味十足。😋
蟹膏大大舊。😍
蟹盛的茶壺蒸比奈良七盛釜飯配的材料更豐富。
味噌湯好清，好適合配釜飯。
奈良七盛釜飯的三文魚子為免過熟，所以會同釜飯分開上。
奈良七盛釜飯相當有造型，一個飯有蟹肉、海蝦、鮑魚、三文魚子、冬菇、白本菇同三葉咁多材料。
海蝦同鮑魚都好大隻。
鮑魚好彈牙有咬勁，唔會煮得過熟。
對於細食的老婆，呢一餐份量太多，主要係釜飯的飯量太多，不過我都清哂，但係下次來時要問問可唔可以一個少飯。
我地今次來食策略好成功，要多謝同事話俾我地聽，來食釜飯最好18:30前到，果然我地離開時都已經好多人排隊。
我地到時天仲好光。
奈良上釜餐牌好簡單清晰，但我自己覺得實物比餐牌的照片更靚。🙈
張貼
