富臨皇宮皇室1號 (已結業)

還有兩個月就中秋節了，大家準備好買月餅應節了嗎？最近就率先收到某人經速遞送嚟嘅「富臨集團」雙黃白蓮蓉月餅，行船爭解纜，月餅我食先！雖然而家月餅的款式層出不窮，餡料千奇百怪，甚麼皮蛋酸薑、紅茶、生果、鵝肝、黑魚籽等新奇口味，應有盡有，但始終都係覺得傳統月餅最好味同埋夠應節！今次吃這款雙黃白蓮蓉月，一盒有四個，以帶點傳統懷舊色彩嘅鐵盒盛載。月餅大件又夠墜手，分量十足。外層餅皮焗至深啡色，金黃有光澤，賣相頗吸引。蓮蓉好香滑又味純，甜度適中，唔太膩喉，配上原個鹹蛋黃，口感十足，滋味無窮，而且百份百香港製造，絕對是慶賀中秋、送禮之選。