張生記 (已結業)

早幾日係本人妻靚靚媽媽嘅慶生日，前幾年去過食德國菜、西班牙菜、意大利菜，今年靚媽媽話想食返d傳統野，本人妻睇下雜誌得知有間食江南菜出名嘅餐廳最近起銅鑼灣新開張，於是帶埋全家人一齊去食一去到就開壺靚茶飲下先——龍井，小鮮肉老公話咁大個仔都未飲過龍井要飲下，飲落去香氣濃郁、甘醇爽口，最後我地成家人好試都飲左十幾壺水杭州燻魚呢個餸係當地過年必備嘅食品，選用當地出產嘅熏魚，聽講話有利濕、暖胃、祛風嘅功效，配合埋秘製嘅醬汁，非常開胃容易入口龍井手剝野生河蝦仁呢一道係浙江非常出名嘅名菜，亦都係一道非常適合夏天嘅菜式，選用嘅係新鮮嘅河蝦配合龍井茶水一同烹製，清淡得黎不失鮮味，配合埋我哋嘅龍井茶一齊——絕佳嘅配合杭州東坡肉靚媽媽話呢個餸成件藝術品，好似台灣故宮博物館嗰件東坡肉，雖然東坡肉好似好肥膩，配製秘製嘅醬汁，配埋蒸熱嘅包一齊食落口一啲都唔覺肥膩杭椒目魚絲小鮮肉老公話開頭睇以為杭椒係豆角，奇怪點食落食唔到豆嘅，食食下仲有少少辣，目魚肉質肥厚、綿軟彈牙、好有飽肚感張生記老鴨煲呢個湯可以話係呢度嘅靈魂招牌湯——必飲，鴨係由杭州原隻運送黎香港，加埋當地嘅特色香荀，A級嘅金華火腿，煲左幾個小時製作，我地一