Lawry’s The Prime Rib

營業中

休息中

生日搵左呢間經典扒房😍😍一入間餐廳已經好有懷舊感覺😍最後我地單叫左2個扒餐前菜 冰旋翡翠沙律新鮮爽脆嘅羅馬生菜同西生菜。配上紅菜頭絲丶雞蛋碎、車厘茄同酸麵包槺同自家製嘅醬汁味道似千島醬，食落清爽開胃。所有材料放入一個冰陣大碗到，然後轉動大碗攪勻，再加上上枱時跟埋一支冰凍專用叉。English Cut Prime Rib $550薄切三塊，內裡鮮嫰粉紅冇血水渗出，肉質細嫰軟腍，無渣無根肉味濃郁。Lawry Cut Prime Rib $680牛扒肉質的確非常鮮嫩Juicy，唔黐牙唔會過咸，而且帶有少少燒香味，食落去好鬆軟帶有少少肥膏同根，而薯蓉軟綿細滑富牛油香。Creamed Corn $60粒粒香甜嘅粟米配上奶香十足嘅忌廉。Birthday Cake 生日餐廳會送一個甜品仲會寫Happy Birthday 同埋你個名😍仲有一張即影即有相，好有紀念價值。