火鳳凰火鍋料理 (已結業)

因為朋友住呢度附近，打完機就落去樓下諗住打邊爐，就試吓呢間火鳳凰火鍋餐廳，呢間餐廳除咗火鍋之外，下午都有做點心。今次試吓佢哋嘅邊爐！😋經典港式沙嗲鍋，有非常濃郁嘅花生味，而且唔會太鹹😛超值海鮮盛🐟，海鮮盛料真係豐富到爆！有蟶子（4隻）、鮑魚（4隻）、海蝦（4隻）、元貝（4隻）、蠔（4隻）同埋翡翠螺（4隻），全部都新鮮又鮮甜！水庫大魚頭🦪，超大份，魚頭肉質鮮嫩，有軟綿綿嘅口感蟹籽鮮蝦滑🦐，增添咗啲鮮味同口感，真係好正！田圓蔬菜拼盆，蔬菜新鮮，營養豐富。鮮腐竹，吸收咗湯汁嘅味道.稻庭烏冬，烏冬爽滑有彈性，為成餐飯畫上完美句號。😎呢間餐廳除咗多選擇之外，海鮮非常新鮮，回頭指數100分。