洛奇冰室 (已結業)

銅鑼灣呢頭要搵港式早餐食 選擇真係唔多 所以就是旦搵咗呢間洛奇冰室😮入座時間係接近早餐截單時間 所以餐廳都坐咗好多同我一樣瞓到最後一刻嘅朋友🤣金牌沙嗲牛肉麵呢個沙嗲牛肉都算交足功課 唔會得個鹹字 食得出少少嘅花生味🥜 雖然唔算好濃 但係都過得去香滑炒蛋 餐肉 芝士火腿牛角酥特登加咗六蚊將丹麥多士轉做芝士火腿牛角酥🥐 不過牛角酥係微暖 唔係好夠熱 滑蛋就炒得幾好 係啱我口味嘅炒蛋🍳熱奶茶多奶奶茶底幾濃 鍾意飲奶茶嘅朋友啱晒☕️一過咗早餐時段 餐廳就多返好多座位啦 睇嚟真係有好多breakfast deadline fighter😺