千房 (已結業)

食日本嘢畀人嘅第一印象通常都係食刺身壽司拉麵烏冬等等， 但係其實大阪燒、鐵板燒呢d都係日本美食黎。今日就同朋友去咗旺角top的千房，豚肉燒同鐵板牛肉，一樂也。千房面積寬敞， 每一張都係卡位黎，坐得舒適，唔會背貼背； 亦都可以揀睇住師傅炒嘢同燒野嘅位 ， 有得食又有得睇 。 餐廳有落地玻璃，盡吸窗外陽光。每張檯也有鐵板爐，唔洗同人share.-套餐包味噌湯及前菜, 挺暖胃的。-我哋叫咗一份豚肉燒同埋鐵板牛肉飯, 可能因為午市關係， 師傅已經燒埋畀你，不用驚自己煮得手忙腳亂。 豚肉燒 送到上枱時，職員會開著個爐讓 豚肉燒保持溫度。-豚肉燒今次就叫左最經典的口味，餡料簡單但份量多，有豚肉同椰菜， 檯面上已經預備好 木魚碎,紫菜粉同埋沙律醬 ， 自己鍾意落幾多就落幾多 ，賣相肯定靚仔！ 豚肉被煎至甘香而脆身， 配上分量挺多的椰菜 ，咬下綿中帶脆，而且非常飽肚。-鐵板薄切牛肉飯另外我哋又叫咗份鐵板薄切牛肉飯，鐵板上檯時熱辣辣的滋滋聲，牛肉香味紛香撲鼻，而且份量都好多另外隨飯仲有野菜，野菜用鐵板炒過黎，洋蔥甜，份外香口。最不得了的是伴飯的牛肉汁，以特製的蒜容、麻油、糖混合而成，趁熱撈埋d飯食，惹味