真知味 (已結業)

12月29日, 呀菲食完佢嘅yogurt, 我又要搵下小食先~ 行過真知味, 忽然好想食碗仔翅, 啱喇入去食一碗先~::: 魚肉拼翅 ::: $17大大碗, 好足料! 絕對唔係呃自由行嚟食嘅碗仔翅~ 魚肉份量唔少, 肉地帶有少少胡椒味, 辣辣地咁~ 冬菇, 肉絲, 蛋花都好足, 啖啖都有, 必定加埋胡椒粉同醋, 好久未嚐碗仔翅, 真係可以代表香港嘅經典小食~ 真知味人流旺, 好多年青人幫襯, 呢度仲可以搵到各式各樣嘅香港地道小食, 希望傳統可以流傳下去~