英記麵家

營業中

休息中

格局係傳統粉麵店，沒想到早上11點幾來都要排隊，仲一直包外賣，群情洶湧！牛雜洗得好乾淨，牛肚牛味濃有咬口，牛腸都質感適中有油脂香，湯底有腩汁味，河粉吸收哂湯汁，河粉仲可以挾起唔斷，好高技巧叉燒係店舖自家製唔係來貨， 一食落去真係好有強烈嘅個人風格同特色，有叉燒嘅感覺但冇一般濃烈叉燒醬同甜味。 辣椒油都好有特色，味道都幾辣。雙炸今次選擇炸雲吞配炸魚皮，魚皮好脆口，好有魚油香味，炸雲吞好大粒，好夠份量，可惜凍咗。 配搭嘅上湯有以前嘅味道， 經典美味。雖然忙到無停手，但店員仍然細心有耐性，難怪深受歡迎