影片
更多
2019-05-08
5713 瀏覽
好好好鬼中意睇李純恩嘅專欄, 去杭州酒家都係全因李純恩早前嘅一篇文, 佢話杭州酒家嘅蝦爆鱔麵唔錯, 所以訂枱試試!上網睇睇先知杭州酒家係米芝蓮一星!而且重有好多美食，所以頗期待有個美食之夜！一入到酒家, 地方雖然唔大, 但極有中國風, 而且掛咗D台灣政界猛人相片同提字.再行入D，嘩嘩嘩! 攪咩呀! 咩味噤臭!!! (X_X)侍應話係臭豆腐味! 相信佢心底裡笑緊我無知....香港風味嘅臭豆腐我完全唔覺臭, 但從未食過聞過內地風味嘅臭豆腐，杭州酒樓嘅臭豆腐臭非筆墨可形容！近期有兩款食品食過幾次都幾失望,一款係蔥油餅, 另一款係鍋貼.香港叫蔥油餅, 杭州酒樓稱為家常餅, 相信係內地叫法吧.除咗點鍋貼, 重有蔥油海蜇，小籠包，酸辣湯，蟹皇翅同蝦爆鱔麵.蔥油海蜇 : 海蜇爽脆, 滿分!鍋貼 : 終於食到外形同質素似樣嘅鍋貼, 首先 size 正常無偷工減料, 唔似得依家坊間嘅鍋貼鬼噤細. 另外鍋貼底煎得夠燶, 所以夠脆, 餡料足夠味道適中重有爆出黎嘅高湯, 又一個滿分作品!小籠包 : 講外型我都係中意有18個褶嘅小籠包, 我食小籠包唔中意落任何調味, 杭州酒樓嘅小籠包高湯足夠但味道頗淡, 都係鼎
上網睇睇先知杭州酒家係米芝蓮一星!而且重有好多美食，所以頗期待有個美食之夜！
一入到酒家, 地方雖然唔大, 但極有中國風, 而且掛咗D台灣政界猛人相片同提字.
再行入D，嘩嘩嘩! 攪咩呀! 咩味噤臭!!! (X_X)
侍應話係臭豆腐味! 相信佢心底裡笑緊我無知....
香港風味嘅臭豆腐我完全唔覺臭, 但從未食過聞過內地風味嘅臭豆腐，杭州酒樓嘅臭豆腐臭非筆墨可形容！
近期有兩款食品食過幾次都幾失望,
一款係蔥油餅, 另一款係鍋貼.
香港叫蔥油餅, 杭州酒樓稱為家常餅, 相信係內地叫法吧.
除咗點鍋貼, 重有蔥油海蜇，小籠包，酸辣湯，蟹皇翅同蝦爆鱔麵.
蔥油海蜇 : 海蜇爽脆, 滿分!
鍋貼 : 終於食到外形同質素似樣嘅鍋貼, 首先 size 正常無偷工減料, 唔似得依家坊間嘅鍋貼鬼噤細. 另外鍋貼底煎得夠燶, 所以夠脆, 餡料足夠味道適中重有爆出黎嘅高湯, 又一個滿分作品!
小籠包 : 講外型我都係中意有18個褶嘅小籠包, 我食小籠包唔中意落任何調味, 杭州酒樓嘅小籠包高湯足夠但味道頗淡, 都係鼎泰豐比較啱我.
食到依家D臭味散得7788嚕!
家常餅 ： 蔥花及芝麻足夠，餅炸得外脆內軟，上枱時重係熱辣辣，滿分.
酸辣湯 : 味道有酸又有辣, 味道濃郁配料充足.
蟹皇翅 : 蟹皇味濃而且用料足, 每一啖都有蟹皇, 只係翅比較細少份量不足.
蝦爆鱔麵 : 蝦隻選用河蝦唔係海蝦, 所以size 偏細, 但口感極彈牙, 質素比另一間上海菜名店香港老飯店更高, 蝦肉比老飯店更實. 至於爆鱔嘛…. 黃鱔肉頗薄身, 由於經過油炸, 外層有小小脆口, 至於麵身用上較粗嘅麵條, 我自己中意幼麵條, 再加上湯底味道屬咸味, 我中意偏甜, 所以…. 失望.
離開嘅時間, 廚房又整碟臭豆腐出黎, 係我身邊經過！令原本無咩味嘅大廳又再勁臭! 嘩嘩嘩…. 敵人用神經毒氣! 撤退!
張貼
