金記冰室 (霎東街) (已結業)

放工經常到位於霎東街的金記冰室，除了有晚市套餐，仲有嗰款中式小菜及港式茶餐選擇價錢相當親民，用QR code下單，方便快捷中式老火湯，湯底很清，不油膩，入口清甜，足料並且無落味精，飲完唔會口渴。店員推介的四川重慶口水雞，例牌份量比想像中多，醬汁調得惹味，辣度適中，雞肉嫩滑有雞味，送飯一流！XO 醬海鮮炒烏冬，炒得幾有鑊氣， 值得一讚是，下單時可以選擇少油少鹽，感覺更健康咖喱炸魚柳意粉，上枱時已經聞到陣陣咖喱香，薯仔炆煮得非常入味，魚柳炸至金黃香脆，賣相相當吸引。意粉質感彈牙，份量多到足夠二人分享。總括而言，食物分量大件夾抵食，環境舒適，員工親切有禮，招呼周到，落單上菜有效率，值得再次光顧。