喜來稀肉 (瓊華中心)

營業中

休息中

餐廳位於瓊華中心好方便, 裝修以寶籃色為主調, 感覺優雅, 枱與枱之間嘅距離好舒適, 不過較重油煙感。𓊈真雪花牛肉 $𝟸𝟸𝟾𓊉雪花牛肉薄切, 雪花紋路好靚, 輕輕一煎已經可以食, 入口即溶, 充滿肉汁, 好好食!𓊈牛五花 $𝟷𝟻𝟾𓊉食燒肉必點嘅牛五花, 望落脂肪比例較高, 但係食落口真係好軟腍, 充滿油脂香, 而且本身以韓式醬油醃好, 味道甜甜地, 好好食!𓊈韓豚五花肉 $𝟷𝟾𝟶𓊉五花肉嘅脂肪同肉構成黃金比例, 充滿油脂香氣, 好juicy 而且嫩滑。𓊈蟹籽紫菜飯糰 $𝟻𝟶𓊉需要自己將白飯, 紫菜碎, 蟹籽, 芝麻連同美乃滋拌勻, 然後揉成飯糰, 非常有置身韓國嘅feel, 必食推介!𓆹 韓式小食, 生菜同醬料都可以自助去Refill, 食幾多拎幾多, 好方便。