翠華餐廳 (已結業)

次次有friend嚟香港，都會先帶佢地嚟試下翠華，雖然味道對於我地嚟講一般，不過話曬翠華餐廳都系經典之中嘅經典，系應該要嚟食翻餐！一入去服務員會好熱情咁同我地打招呼，問我地幾多位，然後再盡快幫我地安排位置。每張檯上邊都有menu，價錢系可以接受嘅範圍入面。店入面嘅飲品只可以少冰，冰系比較碎嘅細冰粒，不過唔會好易化，鴛鴦奶茶嘅味道唔會好濃郁，不過甜度都ok~~因為個friend系四川人，習慣食辣，所以佢點咗份麻辣米線，我就點咗雲吞麵。對我地兩個女仔嚟講麺嘅份量絕對夠食，不過米線嘅辣味唔會好犀利~~不過米線表面嘅一層辣油見到都流曬口水啦。雲吞麵，麺上面仲有啲韭黃同蝦籽，麺好軟熟，湯底味道唔錯。一人一碗麺一杯鴛鴦，兩個人消費咗130蚊左右。