森美餐廳 (已結業)

森美呢間店我已經幫親左好多年，由黑椒牛柳賣$40左右到依家賣$60，見證佢既通賬😂。平時食10餐我有8餐都叫黑椒牛柳，因為我覺得佢既黑椒牛柳好好味，啲意粉既粗幼度岩岩好，唔會太粗或太幼，岩晒我心意，所以十次有9次我都揀配意粉，我好鍾意呢度既意粉。因為成日都叫黑椒牛柳，今次就叫左另一樣我都鍾意食既煎三文魚跟意粉。同埋今日西冷牛扒做街坊價，所以都叫左來試。三文魚煎得好靚，而且塊三文魚都幾厚，好味，就連佢啲配菜我都覺得好好味，因為佢切到好幼，好易入口，所以我連配菜都會食埋。西冷牛扒叫左七成熟，平時食開9成熟既我都接受到七成😂。都幾好味，好juicy 。