稻香超級漁港 (已結業)

好耐都冇去九龍灣稻香，今日一家三口嚟飲下午茶，來得就要有心理準備，因爲每次都好多人幫襯,所以預咗用一個小時等位，今次都唔例外。這店比同區嘅酒樓實惠，款式選擇又多，味道方面，你話好好食又唔係，不過按這個價錢來計，質素算是合格。酥皮叉燒餐包，外皮香脆，包夠鬆軟，不過上枱時已凍了，味道即時大打折扣。麻香杏汁包，包皮質感好腍又糊口，杏汁太稀冇乜杏仁香，味道偏甜得來有藥水味。鴛鴦雙潮即係粉果同蝦餃，外皮算煙韌，蝦餃餡料味道ok,蝦肉尚算彈牙。粉果餡料調味太鹹，味道一般。沙薑雞飯，雞肉嫩滑，味道剛好，唔會過鹹，可惜飯加水太多，煮得太爛，口感嘛嘛。香滑淨腸粉，質感有些糊口，不過尚算滑溜。果仁奶皇水晶餅，外皮做得唔煙韌，奶皇餡過甜，果仁又太少，賣相差，味道更差。這餐承惠$104.5，雖然味道一般，勝在價錢平，我同家人會繼續幫襯。