加藤屋 (元州街) (已結業)

今日嚟到呢間最近好多人食嘅加藤屋捧場，原來質素真係唔錯喎😼。獨自食午餐，叫咗一個牛肉鍋定食🥘。呢個牛肉鍋竟然有得揀豬骨湯底，呈現奶白色，冇咩油浮喺面，第一印象唔錯。牛肉冇想像中咁肥，配上粟米、蘿蔔、以及木耳等等嘅蔬菜，令呢個牛肉鍋稱得上係午餐健康之選。唯獨比較失色嘅係味玉，因為明顯熟咗少少，不過以一間唔係以拉麵做主打嘅餐廳質素係可以接受嘅。以呢個價錢食到高質又健康嘅午餐算唔錯。份量方面都算多，足料嘅鍋物加大大碗白飯，成年男性食都好夠飽！