喜棧 (已結業)

途經九龍塘這大商場，由於係一支公，到餐廳食野好似冇咁經濟，一於轉戰food court搵食。呢度有6-7款野選擇，我就一於選擇人龍最少既黎排。又俾我發現好野喎，就係雲吞河一碗28元，百物騰貴，唔使30蚊有河粉食，算幾好啦。呢碗雲吞係菜肉雲吞，皮都算滑身，餡料就一般正常，係豬肉加菜，肉汁就無乜，無蝦肉係有點失色。至於河粉就夠滑但口感欠奉，質感都幾淋，得個滑字。咁既價錢仲有杯可樂都收貨既。