南翔饅頭店 (已結業)

想食上海野，有差不多大半年冇黎過南翔，再黎幫襯下。平日夜晚，人不多，兩個人，好快有位。前菜要的係肴肉，d肉食落死實實，有點硬不爽口，醋聞落還可以的，不過食落就冇咩味，是有點失準的肴肉。餸要的係香辣雞，冇咩特別，辣味唔太強，很普通的一款熱盤。酸辣湯麵，係失手之作。是晚既酸辣湯偏向酸，麵也煮得太腍，係腍得有點過火，腍到冇哂咬口，是有點失望的。點心要的係鮮肉小籠包，這個穩陣，夠哂熱，皮不算太厚，湯對我黎講也夠多，有肉香味，是不錯的。要挑剔的，就只有個醋，真的冇咩味。炸鏝頭金黃色夠悅目，外脆鬆軟。服務不錯，不過環境有d嘈。兩個人，二百蚊到，經濟晚餐。