香積廚素食 (已結業)

呢間食店間中也有幫襯，只做中午自助餐，好抵食！原來10月份開始已經做埋晚飯啦！由於係街坊生意，所以餐牌簡簡單單。我地首先問問老板娘今日有乜嘢正菜，她就隨意講幾個，大家無問題就落單。素食都係想令生活簡單，所以都無乜所謂。這裡主要食套餐，叫一個餸（通常$35 - $45左右），就可以跟湯、粥、飯、糖水。除左碟餸，其它都係任食、任添架。我地叫左兩個，分別係蜜豆炒雞柳及金菇炆腐皮的套餐。蜜豆炒雞柳：雞柳好有質感，加埋鮮甜既蜜豆，味道剛剛好。金菇炆腐皮：熱辣辣，用煲仔上，冬天一定多D黎幫襯。好夠味。今晚有西洋菜湯，材料除了西洋菜，還有花生、眉豆、黃豆、素肉等，西洋菜剛剛當灶，所以煲出來既湯都特別香，乜都未食就飲左兩碗。任食架嘛！今晚糖水係番薯，一般好味，唔係太甜，OK既。晚飯餐牌好簡單，原來還有小吃，下次可以試試。價廉物美就係呢度既特色。老板娘係佛教徒，所以開食店為眾生結緣。坐得舒服，吃得開心，也別無他想。