千葉鳥

營業中

休息中

其實平時真係甚少嚟天水圍呢邊我住呢度附近嘅朋友約打波就唯有過嚟啦 特登搵下有啲乜嘢好食餐廳喺附近就見到呢間餐廳好多好評都幾實惠可能因為係屋邨商場嘅位置都比較入 午餐又唔收加一 點知佢食物唔止價廉而且高質午餐除主食仲有小食跟埋 揀咗北寄貝沙律同黃金魷魚手卷同埋紫心薯餅 手卷係即整 好味 紫心薯餅夠脆又夠熱 主菜就揀左個二品盛 要左碎蔥拖羅同赤蝦 蝦夠甜又夠彈牙 蝦頭入面d膏都好濃味 有質素魚生飯 另外點左八件壽司配細烏冬餐 有希靈魚 帶子 我都好鐘意 個細烏冬其實份量都唔少 烏冬彈牙 配有紫菜粟米 呢個套餐一個人食真係好飽 再叫左兩串免冶雞肉串 好嫩 上面醬汁味道適中唔會太咸 配埋紫菜粉 真係同居酒屋有得揮 食物質素高 環境又有氣氛 重點係價錢好抵 份量咁多 不禁讚嘆自己揀左間好餐廳