Aldou Cafe (已易手) 新餐廳

優質西餐只需$358價錢便可以食到，呢口價錢真係抵到唔知去邊度揾， 最重要係整體環境令人感覺很浪漫，依家香港要食又經濟又浪漫嘅西餐，真係好難搵得到了！話明係套餐， 就梗係有齊基本餐包、餐湯， 睇落兩者都好平凡 ，但係原來平凡嘅嘢只要略加心思都可以變得好好味， 好似呢個粟米湯咁，粟米蓉好碎，飲落口，每一口都係精華；飲完湯，已經十分期待之後的食物……羅勒白酒煮鮮大蜆， 為了保持鮮味及大蜆的肉質，餐廳沒有將大蜆煮至全熟， 大蜆大大隻，肉質豐厚，能夠保持嫩滑的口感，羅勒及白酒將大蜆的鮮味完全吊起，真是令人食得津津樂道！焗豬肋排配薯條沙律， 因為配了芝士熔岩醬 所以感覺好像食緊韓式的芝士燒排骨， 排骨燒得十分香口， 雖然是排骨，但是咬落啖啖肉， 好飽肚， 粗身薯條都好好味。巴馬火腿意大利飯， 無花果新鮮，巴馬火腿好香，意大利飯又煮得相當標準， 是不二的選擇。飯後仲有飲品，正好為這餐食得非常滿足的晚餐作最後的一個點綴。