Cali-Mex Bar & Grill (已結業)

今晚約咗個舊生去中環嘅PMQ整嘢食，但之前就約咗食餐飯先，喺網上面嘅app見到呢間餐廳有優惠，所以就黎食叫咗個手絲豬肉迷你漢堡，整得好精緻，但裏面嘅餡料份量好多，豬肉真係一絲絲好有咬口跟住叫咗個墨西哥餅，以為叫全份兩個人都可以食得晒，點知嚟到嘅時候估唔到有咁大件，可以分到八大塊，上面仲有配料同牛油果醬，而裏面嘅餡料多到爆出嚟咁。我哋兩個人食咗四塊就已經飽到食唔落，要外賣拎走最後仲要埋個肉醬千層麵，又係好大份，上面有融融地嘅芝士，有拉斯嘅效果，好食得來又好邪惡，同肉醬好配合最後埋單因為有優惠嘅關係，所以每人大約$100左右，仲又食又拎添