龍德樓 (已結業)

上次妹妹帶我來龍德樓吃得滿意，今次食過番尋味帶朋友來吃晚飯。龍德樓的煲仔飯，燉湯和小菜都經濟實惠，選擇多，味道好。今晚我選了是日燉湯 - 雪梨海底椰燉赤肉($28)，個湯足料，清潤鮮甜夠火喉，赤肉低脂。朋友對他選的杏汁菜膽燉白肺($28)讚不絕口，話正斗好飲，湯料都不可錯過。今次見到有話選用南非鮑魚，叫鮑.魚.盛.宴的新出品，便叫了個鮑魚花膠尚品煲嘆下。嘩，個煲上桌熱辣辣，香氣撲鼻。啲南非鮑魚大大隻，厚身彈牙又美味。煲內還有炸石班，花膠，蠔豉，蝦，豆腐和西蘭花。啲食材上乘新鮮好味，讚! 咁足料只賣$148，超值。個海鮮粉絲雜菜煲($98)也是個好選擇，有營可口。海鮮如蝦干，蝦仁和鮮魷都鮮甜，雜菜包括菜心，黃芽白，白菜等都新鮮。粉絲吸滿清甜的湯又滑又美味。來龍德樓一定要吃煲仔飯。蝦乾排骨飯($88)是我的至愛。飯即叫即煲，新鮮熱辣好味道。排骨肥瘦適中有肉味，配鮮甜的蝦乾一流，飯有飯味，沒有飯焦較健康，食到停唔到口。朋友雖然話減肥，但因太好味所以暫時要破介一次。我們都吃得好飽好滿意。茶錢$3一位，不用加一，兩個人消費$396元，超值!店坐得舒適，店員服務佳，小店有人情味，值得支持!