甘味讚岐手打烏冬 (已結業)

店內環境舒適，靠牆都是卡位凳，出面商場還有一個角落都是這烏冬店的範圍。阿女最鍾意吃蕃茄湯烏冬，今次佢揀咗熱賣的麵豉燒雞扒蕃茄湯讚岐手打烏冬，大大碗蕃茄濃湯烏冬，讚岐烏冬確實好滑，大大塊雞扒煎得十分香口。老公鍾意食魚，揀咗個比目魚蕃茄湯讚岐手打烏冬，比目魚啱啱好煎熟，又香又滑。我自己鍾意食醋飯，揀咗個角切魚生飯，配有沙律粟米及海帶麵豉湯(較淡)。飯好大碗，魚生份量好足夠，似乎還要比飯多，有三種魚生及蟹籽，新鮮，還有蛋粒、青瓜粒，上面灑了紫菜碎，賣相都非常吸引。小食前菜也有多款選擇。搵次要嚟試下佢嘅鰹魚湯烏冬，最近好像新增了兒童餐，個餐具趣緻可愛，吸引小朋友。餐廳還有二十穀米飯，唔食烏冬也可以吃釜飯。結賬連加一平均每人70蚊，經濟實惠。