紅米 (已結業)

今天經過大角咀見到一間招牌吸引餐廳，門外貼有趣味圖案。就入去試下。我入去時正直午飯時間，已坐滿客人。坐位寬敞舒適，光視充足。餐牌款式明確清晰，有好多選擇。除了是日套餐外，還有鐵板飯，蛋包飯，還有兒童餐。適合不同人士選擇。價錢仲好優惠都係40-60多元一客。我選擇了闊佬原條蒲燒鰻魚鐵板飯，只係56元就有原條鰻魚。真係好低食！上枱時鐵板是熱騰騰，燒汁仲起泡泡。一粒粒飯加上嘢味燒汁，都幾好食。鰻魚唔算好肥，但都好新鮮，無骨啖啖魚肉。喜歡食鰻魚嘅我都已足夠。另外朋友選了厚切豬扒拼司華力腸蛋包飯。呢個飯同圖片一樣的，都幾吸睛。味道方面，揭開蛋面下面全是一粒粒飯，因選了茄汁味，所以就每粒飯都紅紅地。炒蛋嫩滑，豬扒可能係厚關係，肉質實左小小，有口感，司華力腸味美。側邊放左小小沙律菜，廚師都幾細心，讓客人除了食肉外還可以食些蔬菜都幾健康。另外飲品方面選擇了凍奶茶，奶茶香滑，甜度適中。