Oliver's Super Sandwiches (萬邦行)

營業中

休息中

約咗個舊朋友喺中環食午餐由於我哋都係健康派，又唔想食咁貴，所以喺中環其實選擇唔係好多，最後我哋決定咗食Super sandwiches 🥪 。呢度呢每次我嚟都會揀食焗薯，因為呢個健康得來又夠飽🥰感覺上唔會令人變肥🤣，佢焗薯配有好多唔同嘅，配料嘅當中係有三文魚啦，沙律蛋啦，但最後我都係揀咗吞拿魚沙律。焗薯好大啦，吞拿魚沙律呢就有兩球放係焗薯嘅上邊，加上呢個combo，佢配有沙律嘅然後就加個蘑菇湯，當然如果你唔想飲湯可以要咖啡或者茶。我個人認為雖然佢個名叫Super sandwiches 🥪 但係呢，間最好最好味嘅一定係焗薯囉😂呢個蘑菇湯呢真係麻麻哋囉。因為太鹹，同我想像中嘅都幾大出入😅我以為係好多蘑菇磨成😌但呢個湯好明顯係忌廉湯，而唔係所講嘅蘑菇湯，有少少失望㗎。我下次都係會叫返咖啡☕️呢個牛油果包，都可以話唔錯嘅。正正常常不過不失，佢係意大利包嚟嘅，所以個包本身係有少少味，然後就配牛油果同芝士，好食😋。雜菜湯點都好飲過蘑菇湯囉因為個蘑菇湯真係偏鹹啊。如果真係想飲湯嘅朋友，我建議可以揀雜菜湯。