嶺南樓

營業中

休息中

經濟實惠嶺南樓住咗喺呢度咁耐，都無喺嶺南樓食過飯。今日阿爸過嚟，所以就帶咗佢去嶺南樓飲茶。本身會以為好少人，但見起碼都有六七枱客，以星期六來講，比我想像中多人，始終今日唔係上學日。點左幾個點心同埋一碟菜，質素都OK。炸嘢就唔夠熱，蒸點心就好熱好新鮮。芝士蝦春卷、鹹水角：嚟到嘅時候暖暖地。我初初以為咁小客，應該係即叫即炸，不過應該都唔係啦，味道都OK嘅。蝦腸粉、蝦餃、粉果、蒸土魷：全部熱辣辣，腸粉都幾滑，其他點心都不錯。流沙奶皇包：真係流沙嘅，不過包皮有啲韌，可能係返蒸。三個人食咁多嘢，都係$200，真係非常抵！性價比好高，得閒會再嚟食。