亞金南洋茶室 (新都城中心二期) (已結業)

早前於旅發局賞賞你活動中拎咗張亞金南洋茶室晚市食滿150元減20元優惠券，今晚就去試一試。七點十五分去到見唔多人，可以即時入座坐低即時望下餐牌有乜撰擇先，有各式各樣套餐及精選小菜二人套餐，仲有南洋、越南及泰國食物可供選擇。決定叫兩個經濟實惠嘅東南亞精選套餐再追加個小食。首先上檯嘅喺佢地嘅招牌海鮮叻沙，碗叻沙唔多夠湯，要叫佢加多啲叻沙湯，首先試下啖湯，湯頭好鮮甜，飲得出喺用大量蝦売 淆製而成，米粉同油麵份量都幾多下，蝦有兩隻，尤魚圈兩件，魚片3塊，豆卜三件，還有蟹棒及半隻烚蛋，都算足料，好味！第二個套餐喺香茅豬扒河粉，追加小食喺玻璃尤魚通菜，豬扒醃得味道唔錯，通菜就有啲老，尤魚都好爽口。