慶吉家 (已結業)

囡囡鍾意食日式丼飯，今晚同佢去咗灣仔嘅慶吉家食晚飯。店員姐姐好有善，佢仲介紹餐廳已經有12年歷史，好受學生哥歡迎。囡囡最鍾意食雞蛋，佢點咗滑蛋吉列豬扒飯，飲蜜桃冰多多加蒟蒻。我就試下咖哩豬軟骨飯，飲熱柑桔話梅蜜。囡囡 嘅豬扒飯，配多碟額外的生蛋汁，因為餐廳驚客人食到一半唔夠滑蛋，都可以再加，安排好細心。店員話我嘅豬軟骨係餐廳煮咗十幾個鐘，好淋好入味，仲可以試下餐廳秘製嘅燒汁，佢話學生哥最鍾意加白飯再撈汁食。小食煎餃子好脆卜卜，熱辣辣。餐廳平靚正，食物大大碟好飽肚，真係經濟實惠。