倫住蒸倫哥私房菜 (已結業)

今日突然好大雨, 天氣轉凍, 女朋友又著唔夠衫所以我地都好似食D熱騰騰既食物蒸海鮮就岩晒啦! 仲要2百幾蚊ONLY, 冇理由唔入去食架!D間倫住蒸位於太子, 方便得黎又唔算太逼人, 岩晒我地入到去基本上每個人都係果個SET, 但每隻海鮮都可以揀唔同既食法, 夠晒個人化!FB LIKE完即送汽水!係等緊食野既時候, 飲碗湯就岩晒, 個湯好多料, 而且冇咩味精, 真材實料, 飲完暖晒!飲完個湯, 就食個鮑魚花膠打返個靚底先, 鮑魚入味而彈牙, 花膠富骨膠原, 好補呀!龍躉腩- 魚肉超結實, 好有口感, 魚味又重, 好好味, 而個魚皮富膠質, 好彈牙, 對皮膚好好呀!生蠔- 完全冇腥味, 只有鮮味, 我地選薑蔥蒸D薑蔥味逼晒入蠔肉度, 超正!蝦- 又大隻又彈牙, 鮮甜無比, 完全唔梅, 好好味蚌仔- 選礦物鹽黎蒸, 完汁完味, 蚌又爽口, 都唔錯喎中場休息既時候食下蔬菜, 令你覺得飲食平衡之餘又好味, 倫哥係有研究過喎!龍蝦- D個真係超級無敵新鮮, D肉輕輕一拉, 鮮甜又彈牙既肉就應聲而出, 好正, 肉真係超好味!蟹- 奄仔蟹係D個時節食就岩啦, 肉又多, 膏又多, 好易拆出黎, D膏滲晒