影片
更多
2023-03-13
172 瀏覽
幫朋友攞啲手作用品嚟藍田，搞掂就順便一齊食晏。友人想食粉麵，帶咗我嚟德田街市地下呢間「樂園魚旦專家」。嚟到剛好過咗午市繁忙時間，店內食客不多，毋須輪候，便可以即時入座。店子地方不大，一般粉麵店格局，但勝在裝修得都幾骨子，地方簇新潔淨，所以都坐得好舒服。點咗五香牛腩拼鳳城水餃幼麵 ($48) 同 爽滑魚餃拼鮮蝦雲吞粗麵 ($48) 各一碗。牛腩肥瘦適中、肉質稔滑，略有脂肪同油香，五香味道濃厚。幼麵水準亦唔錯，麵質十分掛湯，食落爽身得嚟又有咬勁。水餃大大粒，真材實料，蝦同肉餡味道不俗，加上筍絲和木耳，增強了口感，沾少許店家自製嘅秘製辣椒醬食，更添滋味。魚皮餃用100% 門鱔壓製，人手碌皮，再將新鮮豬肉餡包進餃皮內，入口鮮味啱啱好，厚身爽滑，魚味十足，令人一試愛上。雲吞大小適中，皮薄餡靚，蝦仁和豬肉比例恰好，湯底清鮮，富大地魚香。粗麵微彈有嚼勁，食落蛋味好濃郁。食完再嘆番杯凍飲，一樂也！凍奶茶 (+$8) 茶味很足，凍檸樂 (+$11) 冰涼微酸，解渴一流。
幫朋友攞啲手作用品嚟藍田，搞掂就順便一齊食晏。友人想食粉麵，帶咗我嚟德田街市地下呢間「樂園魚旦專家」。
嚟到剛好過咗午市繁忙時間，店內食客不多，毋須輪候，便可以即時入座。
店子地方不大，一般粉麵店格局，但勝在裝修得都幾骨子，地方簇新潔淨，所以都坐得好舒服。
點咗五香牛腩拼鳳城水餃幼麵 ($48) 同 爽滑魚餃拼鮮蝦雲吞粗麵 ($48) 各一碗。
牛腩肥瘦適中、肉質稔滑，略有脂肪同油香，五香味道濃厚。幼麵水準亦唔錯，麵質十分掛湯，食落爽身得嚟又有咬勁。
水餃大大粒，真材實料，蝦同肉餡味道不俗，加上筍絲和木耳，增強了口感，沾少許店家自製嘅秘製辣椒醬食，更添滋味。
魚皮餃用100% 門鱔壓製，人手碌皮，再將新鮮豬肉餡包進餃皮內，入口鮮味啱啱好，厚身爽滑，魚味十足，令人一試愛上。
雲吞大小適中，皮薄餡靚，蝦仁和豬肉比例恰好，湯底清鮮，富大地魚香。粗麵微彈有嚼勁，食落蛋味好濃郁。
食完再嘆番杯凍飲，一樂也！凍奶茶 (+$8) 茶味很足，凍檸樂 (+$11) 冰涼微酸，解渴一流。
張貼
