籽苗葉泰國餐廳

營業中

休息中

呢排夜晚都幾多新年飯食，搞到午餐唔知食咩好，就決定跟埋同事出去揾食，佢哋食咩我就食咩，最後跟大隊嚟到荃灣熊貓酒店的商場B1 的美食廣場既籽苗葉食下東南亞野食！午市都有提供好多唔同種類既野食，越式如火車頭，泰式有海南雞飯，印尼有炒飯等等，粉麵飯總有一樣啱心水！而我就點左個雞絲撈檬粉食，貪佢有d魚露甜酸汁，酸酸甜甜，一定開胃！ 個檬粉份量都ok, 足夠我一人食用，檬粉都係爽滑既，個汁就可以到濃味d! 至於d雞絲就好似無咩味，好彩有d魚露汁先可以有返d味！餐飲叫左杯洛神花茶，都係酸酸甜甜，好易入口，估唔到小店都有提供呢d特色飲品，仲唔駛加錢，又幾抵讚！