別府駅前料理 (已結業)

今日放工一個人搵食，行到黎翡翠廣場，真係好多選擇，別府已經多年無食過，就決定回味一下，但天氣實在太熱，真係唔想挑戰佢的地獄拉麵，想當年真係為左食地獄拉麵慕名而來，餐牌食物除左壽司……樣樣都熱食……鍋物類都多……想搵個小食都好難……想食冷烏冬冷麵都無，終於見到個辣椒冷豆腐$28，都試下啦，睇賣相幾靚，白雪雪豆腐配上紅當當的配料，估唔到無想像中辣，得d麻辣香氣，脆脆粒粒像xo醬feel,呢個推介好食，另外叫左壽司set 都幾抵食$70，不過另外加帶子蟹子卷$28就失望了，因為覺得好細件，蟹子少得可憐……帶子一隻細size再切半，仲薄過爭鮮……禁耐無食別府發現佢壽司真係唔夠別人吸引，唔怪得壽司另外有9折，除左細件本人覺得d三文魚、八爪魚……壽司唔夠凍，好像係室温好耐感覺……別府都係食拉麵保險些！