Sugar & Spice

營業中

休息中

本身約左朋友在東薈城食野，但冇一間餐廳似樣，於是就去左富東邨。見到呢間好似正正常常，就入去坐低。當時正值下午茶時間，但唔算多人，不過間野都幾細，坐得都幾逼。叫左雞翼金邊粉同無骨鳳爪，友人就叫左豬頸肉金邊粉。一黎就食左個鳳爪先，好味，酸辣適中，同埋都幾滿。跟住開始食碗粉，估唔到個湯係腩汁味，幾濃，同埋蘿蔔好入味。到主角雞翼喇，用湯浸住都食到濃濃嘅香茅味，真係好食，有驚喜。友人一味食，冇講到佢碗豬頸肉點，我諗應該唔差，因為佢成碗食哂。