越男仔 (已結業)

20240806 越男仔 荃灣套餐 - 無骨鴛鴦雞 配 黃薑飯 （海南雞+蒜蓉牛油雞扒）朋友身為飯桶肚餓緊係要叫個飯餐食吓鴛鴦雞就當然有兩款雞海南雞真係好嫩滑 仲要去埋骨可以放心大啖啖咁撕咬😂😂😂加埋上面滲咗啲香茅 加埋雞真係好夾每食一口都帶有淡淡香茅味另一款就係蒜油牛油雞扒 簡單講就係炸雞扒但配上蒜蓉同牛油極之濃郁嘅香味成功點綴看似平平無奇嘅炸雞扒黃薑飯初頭一睇就諗會唔會好重口味好咸出面嘅海南雞飯往往黃油飯都十分濃味個人唔太喜歡 但呢度嘅黃薑飯並無呢回事 味道唔會太重之餘亦有濃濃黃薑同椰香味 又唔會太油膩 好味順帶一提套餐會配上一碗小小嘅例湯無咁dry 😂😂生牛肉湯檬粉食越南嘢當然要試吓生牛肉湯檬啦呢碗生牛肉湯檬粉看似平凡 估唔到啲生牛肉十分有牛味肉質亦很嫩唔會太靭 湯底味道唔會太重作為越南菜傳統美食 呢度嘅生牛檬絕對榜上有名蒜蓉牛油雞翼同場有優惠😂所以都叫咗幾隻雞翼食吓（今餐都食咗好多雞😂😂）唔知係咪太肚餓啦 聞到真係流晒口水😂😂食落其實就係上面蒜蓉牛油雞扒嘅雞翼版😂少咗雞扒嗰種啖啖肉好油膩好滯嘅感覺有啲骨損吓又另一番風味。飲品 - 椰汁紅豆冰簡單就係普通嘅椰汁紅豆冰味道唔會太甜