WIRED green (已結業)

有時係尖沙嘴街行到攰攰地想休息下，但周圍都多人，想坐下都唔知去邊好。地鐵站N出口連住K11購物藝術館，一行入去就望到B2層呢間Wired Green，主打日式輕食料理。之前食過美麗華的Wired Cafe晚餐，覺得都唔錯，俾咗少少信心我入去試下。等位等咗一陣就有得入去，店員安排我坐嘅座位仲有小咕𠱸，都幾舒服。重點係唔洗經路面同人迫！今次叫咗：👉🏻巴馬火腿伴芝士蛋醬三文治 (送飲品) $65 *另有加一收費麵包新鮮柔軟，唔乾唔硬。夾住超多碎蛋沙，一咬就爆哂d碎蛋出嚟。加埋芝士、巴馬火腿，呢個組合都無得輸啦。另外，薯條無鹽，唔怕食完好咸，唔怕食完高納食物，第二日又水腫。下午茶的set包一杯飲品，咖啡或茶，冷熱同價。我叫咗紅茶，可以加糖水飲用。👉🏻 刨冰布甸 (無飲品) $58 *另有加一收費而男朋友就叫左一個刨冰布甸。上面係生果刨冰，下面係牛奶布甸。刨冰食落軟綿綿，喜歡的話可以加埋奶食。底下布甸原來幾大份，牛奶味都算濃。質地滑滑的，仲好動L。想簡單同朋友坐下、傾下計嘅話，Wired Green都唔錯。