茶湯會 (利園山道) (已結業)

去銅鑼灣食完午飯，經過啲珍珠奶茶店好想飲不過比較出名嗰幾間已經好長龍，經過茶湯會，其實每次經過都見到，但係就未有時間試所以今日就有機會一試。餐廳飲品都幾多，其實同歇腳亭嗰啲有啲類似，因為我比較鍾意茶味，所以我就叫咗珍珠奶茶。一般台式飲料其實都比較偏甜，所以我都會叫半糖。珍珠奶茶（奶粉）我叫咗半糖常溫，但係店員話無常溫，所以會比常溫偏熱少少等咗一陣好快就已經有得飲，因為唔使排隊，味飲落都ok，富有台式珍珠奶茶風味不過珍珠就偏細粒，唔夠彈牙，口感欠奉。珍珠奶茶個茶底都算香，唔算好重奶味，但係叫咗半糖都係偏甜。如果下次再有機會飲就會叫微糖。總括嚟講都算唔錯，ok啦