上海美華菜館 (已結業)

滿心歡喜的從巧興來到美華，一踏入去已經聽到老闆娘流利的上海話，好似一枝強心枝咁，好開心的諗住可以一試小弟超愛的粢飯。點知...原來早上十一點前先有的（假日就十二點前）...ugh...超失望!!! 蔥油餅呢？都係早餐先有...好似我咁既大食懶，要我十一點前起身落樓下食早餐都難啦，仲要look到去土瓜灣咁遠真係mission impossible.......但為左粢飯一定要試下（聽住先）!!!咁好啦，冇粢飯，唯有叫個油豆腐粉絲湯同埋一個排骨麵。油豆腐粉絲湯色水好深，唔似平時個D，而且好多料，本來好期待的...點知飲落先發覺冇咩味的...小弟超愛油豆腐因為會索晒汁，但湯底冇味的關係，豆卜都係冇味的。湯入面仲有粉絲、榨菜、木耳同罐頭蘑菇...唯一最好的就只有粉絲，幾爽口的，但湯底唔好配料好都冇咩用了。排骨麵同樣令人失望。排骨較乾，而且炸得一D都唔鬆而係實的。麵就還可以，幾煙韌的，但媽媽就嫌質感太膠。講到依度，其實理應畀個喊面...畀OK的只有兩個原因。第一係佢杯豆漿，很香濃的豆味，好似南瓜兄咁講近乎有重「煙」味，係咪真係焗過既呢？第二係想下次有機會試過佢既栥飯先再下結論（我太好人了哈哈）。