東京築地拉麵 (已結業)

心月來潮，買左飛睇下午1點既戲，但未夠鐘，又想慳下錢，但又想食些少東西，千揀萬揀之下，就黎左東京築地拉麵，呢度地方唔大，但勝在擺放既野夠整齊同整潔，簡稱骨緻啦！ 入黎之前，睇過下餐牌，拉麵黎講，佢真係幾平！我個人本身比較喜歡綠色，所以叫左個綠魅拉麵，再追加一個仙果蟹柳卷，對於不太肚餓的我倆，真是剛剛好。綠魅拉麵，感覺青青綠綠既野就係幾健康，飲多2啖湯都唔怕肥，其實就係菠菜湯底，平時唔食菠菜既我，對佢一點都不抗拒！麵黎講，可以淋返少少，口感會更佳；糖心蛋好入味，一咬入口，蛋黃香味滲滿口腔，回味無窮；至於肉方面，中規中矩！仙果蟹柳卷，正正常常沒失望沒驚喜。整體黎講，有機會都想再黎試下其他拉麵，重點係價錢都很吸引！