影片
更多
2019-07-07
1209 瀏覽
餐廳：Chelsea Garden & Restaurant (佐敦)地址：佐敦柯士甸道7號UQ Place 4樓最近上網搵到間係佐敦UQ Place嘅餐廳仿如綠洲，名叫Chelsea Garden & Restaurant，就好似個名咁，間餐廳佈置到好似一個Garden咁，無論餐廳內定係餐廳外嘅一個小陽台都有好多大大小小嘅植物，俾人非常舒服養眼嘅感覺呢間餐廳主打西班牙菜，除咗有海鮮套餐之外，更吸引我嘅係佢地嘅Signature Dinner Set巴馬臣芝士燒焗雞胸配烤薯及沙律 $308平時鍾意食雞胸肉嘅我，係屋企基本上都係白烚就算，餐廳以Parmesan cheese、椒鹽、蔥等做配料去醃制雞胸，做到相當入味之餘雞胸肉仲要非常之腍，一啲韌嘅感覺都無，非常香口好食香煎比目魚柳配檸檬刺山柑汁 $328比目魚滑嫩之餘肉質帶點結實，所以用黎做魚生之外煎香黎食都係一個唔錯嘅選擇，加上檸檬同埋刺山柑汁去除咗腥味，亦為比目魚帶黎左清新嘅味道，唔怕罪惡嘅我食埋比目魚煎香左嘅魚皮真係夠哂滿足，睇黎返去要做多幾轉運動先得伴隨主菜仲有前菜同餐湯，前菜就揀左烤伊比利亞香辣醬腸多士同香草蕃茄忌廉汁燴田螺，而
地址：佐敦柯士甸道7號UQ Place 4樓
最近上網搵到間係佐敦UQ Place嘅餐廳仿如綠洲，名叫Chelsea Garden & Restaurant，就好似個名咁，間餐廳佈置到好似一個Garden咁，無論餐廳內定係餐廳外嘅一個小陽台都有好多大大小小嘅植物，俾人非常舒服養眼嘅感覺
呢間餐廳主打西班牙菜，除咗有海鮮套餐之外，更吸引我嘅係佢地嘅Signature Dinner Set
巴馬臣芝士燒焗雞胸配烤薯及沙律 $308
平時鍾意食雞胸肉嘅我，係屋企基本上都係白烚就算，餐廳以Parmesan cheese、椒鹽、蔥等做配料去醃制雞胸，做到相當入味之餘雞胸肉仲要非常之腍，一啲韌嘅感覺都無，非常香口好食
香煎比目魚柳配檸檬刺山柑汁 $328
比目魚滑嫩之餘肉質帶點結實，所以用黎做魚生之外煎香黎食都係一個唔錯嘅選擇，加上檸檬同埋刺山柑汁去除咗腥味，亦為比目魚帶黎左清新嘅味道，唔怕罪惡嘅我食埋比目魚煎香左嘅魚皮真係夠哂滿足，睇黎返去要做多幾轉運動先得
伴隨主菜仲有前菜同餐湯，前菜就揀左烤伊比利亞香辣醬腸多士同香草蕃茄忌廉汁燴田螺，而是日餐湯就係甘筍忌廉湯
係咁靚嘅環境下食野真係一大享受，廁所隱藏左係餐廳當中，唔講都唔知廁所門嘅係配合餐廳嘅牆壁設計，唔問都唔知係邊😂順帶一提，呢到嘅侍應仲好好service添
張貼
