The Green Lounge (已結業)

夜晚去The Green Lounge試食店主係幾位熱血年青人今次主要係試食甜品千葉抹茶心太軟伴雪糕一向對抹茶味嘅甜品都冇乜好感，通常食到嘅味道都太人工化一味死甜冇晒抹茶嘅香味不過呢個味道剛好，甜味同抹茶味好平均加埋雪糕同紅豆真係好好味呢蘋果金寶伴雲呢拿汁金寶好香脆呀我一向唔太鍾意肉桂味但蘋果金寶一般都會落肉桂落得好重手出奇地呢個無乜肉桂味 真係幾啱我口味架喎朱古力梳乎厘伴朱古力脆皮雪糕呢個梳乎厘好特別呀口感同平時有啲唔同蛋白味同朱古力味都幾平衡，但變左唔夠原味梳乎厘咁重蛋白香最得意係個表面，唔係蛋白咁簡單佢做左一層好似焦糖咁嘅脆脆喺度甜甜哋脆脆哋又真係幾得意個朱古力脆皮雪糕個脆皮真係好實...但味道又幾好喎，只係好難拆佢骨甜品師傅見我哋食得咁辛苦，即刻整過個易碎版比我哋，真係好細心呀法式焦糖燉蛋伴雪糕燉蛋好香蛋味同雲尼拿味味道唔會太甜，加埋個脆脆焦糖甜味啱啱好一個軟滑，一個香脆， 好夾呀食完每道甜品店主同埋甜品師傅都會好認真咁聽意見睇得出佢哋係非常用心去做好每一個甜品繼續加油呀!!