夏雪 (已結業)

最近迷上了窩夫，我指的是有雪糕响上面果種，出面食開10間有9間個窩夫都係凍冰冰兼硬既，所以我落單時特別問一下個窩夫情況，結果令我喜出望外！我最想食到熱辣辣窩夫 (當然唔會係放雪糕响上面果件)，其實呢個要求唔係好難啫，只要店鋪用心即做，兼且預先做好伴碟，新鮮出爐窩夫就可以呈現客人面前。Japanese Style Waffle ($65)甜品一上枱，相機食完之後，我第一時間試窩夫，果然無令我失望，窩夫外脆內軟，係我從未體驗過 (當然除咗街果d夾餅)，綠茶味淡淡溢出，配上香滑淡忌廉，令我食唔停口。除此之外，綠茶雪糕亦係另一賣點，綠茶味道比較重，香軟但唔易溶，整體嚟講，我十個滿意呢個甜品。後記：開放式廚房見到一班充滿熱誠幹勁既年青人，成為我下次再會幫襯既原因之一。