Doux (已結業)

彌敦道726真係有好多野食，食完正餐過左黎呢間食甜品門口有幅抽象畫哈哈甜品櫃想食星空果款甜品就可以坐高枱食，今晚同朋友揀左其他甜品熔岩厚燒Pancake($45)與其話佢係Pancake，佢更加似既係海棉蛋糕，可以揀檸檬/ 朱古力/ 綠茶/ 焦糖揀左綠茶味，加雪糕(+$10)，係鐵觀音味，Cream夠滑，兩種茶類加埋相當夾，鐵觀音有甘香，綠茶味亦香濃Pancake切開綠茶漿流哂出黎，Pancake好鬆軟，入面既綠茶漿出奇地香濃，好驚喜，上面既竹炭味道淡淡但可以為成個甜品加多一層口感。焦糖香蕉($78)一開始燒左旁邊既焦糖，Reshape佢中間係炸朱古力香蕉球，香蕉味超香濃，配埋一球焦糖脆脆雪糕，整體唔錯。Fruit Tea Latte($36，跟餐+$10)粉紅加紫色，好靚，飲落有好香既花香味，睇得又飲得！Like埋個Facebook竟然有小禮物送，玫瑰蛋白餅好靚。