宏 (已搬遷) 新店位置

「宏」除左綠茶甜品之外，主食都有好多選擇。套餐比散叫划算。因為套餐附送細蛋捲和飲品，有主食又有甜品，大滿足。大鰻魚飯套餐（$180）鰻魚燒得幾香，飯粒分明；海藻烏冬有豐富食物纖維，健康食物黎架。牛肉壽喜燒套餐（$99）唔洗$100有sukiyaki牛肉鍋，難怪每晚限量供應，配日本米及日本雞蛋，好和風。牛肉點生雞蛋，好味道。跟餐餐飲係斯里蘭卡錫蘭紅茶，有茶香，味道又唔會過濃。套餐仲有細抹茶蛋卷及芝麻卷：蛋糕有淡淡綠茶香，蛋糕面撒上綠茶粉，口感濕潤；芝麻卷口感亦然，唔會乾乾的。優惠價加左個抹茶軟雪糕芭菲（$61）雪糕抹茶味濃，仲可以一次食到抹茶蕨餅、紅豆及白玉！