滿記甜品 (已搬遷) 新店位置

9.30 (sun)早出camp後有人提議食dessert，難得黎到西貢就諗下去正舖食糖水都好。十點幾，三間都超多人，a店冇位叫我地去b店，點知b店又話a店宜家有位……雖然只係十幾步既距離，但人多，我地又成大個背囊，唉。原來想食係渣喳（因為見係椰汁底），點知冇，咁叫個綠豆沙，勁淡之餘又冇綠豆味，真係"糖加水"囉，飲水好過。個薑汁撞奶就唔錯，超夠薑，不過好似只限西貢分店先有！個榴槤忘返冇試（我唔食榴槤）…但朋友話好食喎。再一次既失望話我知：下次要再幫襯（有時自己冇得決定）就要食ｄ特別野，其他普通糖水好likely會worse過一般糖水舖，講完！