影片
更多
2019-05-21
2032 瀏覽
近期網上熱推一間好靚既維多利亞風餐廳，主打食High Tea，簡直少女心大爆發。今次決定晚上時間先過黎，享受一晚浪漫既燭光晚餐 ～餐廳裝修為其中重點，環境非常優雅。以維多利亞風格連貫設計，睇得出落左好多心思去佈置。天花上搭配水晶燈飾、窗邊有蕾絲窗紗、牆上有彩花壁紙同油畫。另外用上精緻瓷器，各方面配搭都幾好。門口位置仲提供左唔同頭飾同帽俾客人影相用，戴住黎食飯假裝一下做貴族哈哈！______________________________Dinner Set🔸 是日餐湯 + 麵包籃南瓜忌廉湯，南瓜味重，又甜又香滑 ，厚度適中。配上軟綿綿既麵包，係唔錯既Starter。🔸 慢煮西班牙栗飼豬鞍 配 青蘋果沙律，焦糖蘋果醬豬鞍有成隻手掌咁大塊，表面燒至全熟，微微帶焦。落刀時感覺肉質厚實，但入口時有咬口得黎又不失嫩滑。無筋，脂肪含量低。 沾上焦糖蘋果醬，甜甜酸酸，幾開胃。配菜十分豐富，有翠肉瓜、薯仔、茄子同青蘋果沙律。🔸 黑松露牛肝菌野菌意大利飯 黑松露香氣四溢，配上牛肝菌簡直係perfect match。飯上面加上少少芝士碎，食落更香。意大利飯口感軟腍，黏黏的不錯。 🔸 每日精選甜品當我以
餐廳裝修為其中重點，環境非常優雅。以維多利亞風格連貫設計，睇得出落左好多心思去佈置。天花上搭配水晶燈飾、窗邊有蕾絲窗紗、牆上有彩花壁紙同油畫。另外用上精緻瓷器，各方面配搭都幾好。門口位置仲提供左唔同頭飾同帽俾客人影相用，戴住黎食飯假裝一下做貴族哈哈！
______________________________
Dinner Set
🔸 是日餐湯 + 麵包籃
南瓜忌廉湯，南瓜味重，又甜又香滑 ，厚度適中。配上軟綿綿既麵包，係唔錯既Starter。
🔸 慢煮西班牙栗飼豬鞍 配 青蘋果沙律，焦糖蘋果醬
豬鞍有成隻手掌咁大塊，表面燒至全熟，微微帶焦。落刀時感覺肉質厚實，但入口時有咬口得黎又不失嫩滑。無筋，脂肪含量低。 沾上焦糖蘋果醬，甜甜酸酸，幾開胃。配菜十分豐富，有翠肉瓜、薯仔、茄子同青蘋果沙律。
🔸 黑松露牛肝菌野菌意大利飯
黑松露香氣四溢，配上牛肝菌簡直係perfect match。飯上面加上少少芝士碎，食落更香。意大利飯口感軟腍，黏黏的不錯。
🔸 每日精選甜品
當我以為係一件蛋糕之制，無諗過會係一個甜品拼盤！好Surprise！拼盤總共有3款甜品，各2件。包括：伯爵茶戚風蛋糕、朱古力抹茶奶凍、藍莓撻。個人最喜歡伯爵茶戚風蛋糕，茶味香濃，蛋糕又鬆又軟綿，配上適量奶油係面，正！
🔸 蜜桃紅茶
🔸 維多利亞玫瑰花茶
飲品方便有唔同味道花茶提供。 蜜桃同維多利亞玫瑰依兩款口味都清香帶甜，可以緩和返以上食過既甜品。花茶夠大壺，有小蠟燭台熱住，可以保持住溫度，貼心位值得一讚。
．
by VIN
環境分數: 8.5/10
食物分數: 8.5/10
張貼
