影片
更多
2020-06-01
2297 瀏覽
之前限聚令放寛咗好難訂到位，終於都要一星期前訂位先訂到。去年已食過兩次 覺得食物既水準都係贊👍🏼 所以星期六晚再去食。唔知係咪疫情關係 有啲菜式喺餐牌上消失咗，例如海鮮湯就無咗🙁 希望遲吓佢哋會有番。一如以往 Starters我哋都係order Clams, Bovine bone marrow, 今次再加個牛脷。雖然呢幾個starter 無影相，但都要提一下就係個Marrow 改咗recipe, 用咗onion cream sauce 唔太好食 因為個sauce 搶咗牛骨髓個味，嘥咗😔 不過我哋食咗一啖之後 撥開啲洋蔥唔一齊食就好小小。另外牛脷好腍身 但香草味太重 食落有啲膩😶但整體都係好食嘅。最最想講就係個Main course 600g 澳洲和牛，好食到想飛起，我哋叫咗medium 而廚師煮得剛好 無over cook 又係要勁贊👍🏼 和牛好平衡既牛肉同脂肪既味道，入口軟滑有肉汁 好食過好多日本餐既燒和牛🤪；仲有佢跟嗰個汁 簡直係畫龍點睛，好香牛肉汁既味道，本身個牛已好夠咸味 再點埋個汁直頭食唔停口😋我哋兩個人share 都剛好，唔會太多或唔夠食。大家如果去食飯 一定要點呢個和牛
唔知係咪疫情關係 有啲菜式喺餐牌上消失咗，例如海鮮湯就無咗🙁 希望遲吓佢哋會有番。
一如以往 Starters我哋都係order Clams, Bovine bone marrow, 今次再加個牛脷。雖然呢幾個starter 無影相，但都要提一下就係個Marrow 改咗recipe, 用咗onion cream sauce 唔太好食 因為個sauce 搶咗牛骨髓個味，嘥咗😔 不過我哋食咗一啖之後 撥開啲洋蔥唔一齊食就好小小。另外牛脷好腍身 但香草味太重 食落有啲膩😶但整體都係好食嘅。
最最想講就係個Main course 600g 澳洲和牛，好食到想飛起，我哋叫咗medium 而廚師煮得剛好 無over cook 又係要勁贊👍🏼 和牛好平衡既牛肉同脂肪既味道，入口軟滑有肉汁 好食過好多日本餐既燒和牛🤪；仲有佢跟嗰個汁 簡直係畫龍點睛，好香牛肉汁既味道，本身個牛已好夠咸味 再點埋個汁直頭食唔停口😋
我哋兩個人share 都剛好，唔會太多或唔夠食。大家如果去食飯 一定要點呢個和牛試吓😃
張貼
