港滙軒

營業中

休息中

年尾男朋友同我都要清假，齊齊請星期一，由朝食到晚，早餐、午餐同下午茶都食哂，本身都未肚餓，不過口痕，都決定食d嘢做晚飯。 行左一陣之後，入左間有全海景既靚景酒樓，慢慢坐下睇靚景，點咗一個前菜同兩個小菜食。 滷水豆腐 一碟有四件，熱辣辣外皮幾脆，內裏嫩滑，好香滷水香氣，但不會過咸，唔錯。 咕嚕明蝦球 甜酸醬正常發揮，蝦球好大隻，外皮好薄好脆，應該用花生油炸，所以有股花生香氣，零舍香口，d蝦球好多，有8隻，爽口彈牙，新鮮菠蘿鮮甜多汁。 XO醬西蘭花炒帶子 XO醬帶出帶子既鮮味，帶子好大隻，火候剛好，保持了鮮嫩，一碟有成8隻都係算好多，西蘭花爽脆，同樣地XO醬入哂味，同帶子一齊食，特別好味。 因為食唔太餓今日，所以只係點咗3樣。不過我見酒樓做緊一個$298既套餐優惠，認真唔錯，有龍蝦，我地走時，見隔離枱隻龍蝦好大隻，希望下次幫襯時還有呢個優惠。