影片
更多
2024-07-16
2528 瀏覽
灣景廳係灣仔近海嗰頭，酒店沿海地理環境唔錯，餐廳入面都可以望到海景🌊，近日推出以名各款海鮮入饌嘅自助餐，食客可以一次過試晒各款海鮮菜式，最驚喜佢有即開生蠔💫，每隻都肥美鮮甜，食多幾隻已經回本！------------------------------🐟◖漁躍滋味自助餐◗ 見到呢個自助餐OpenRice book位$500頭就試到，超抵玩🈹！而家仲買有優惠每人加$99仲有得free-flow飲飲紅白餐酒，呢個價錢仲要近海，即刻衝嚟試一試！🦐/海鮮凍海鮮有麵包蟹、蟹腳、小龍蝦、東風螺、青口、冰鎮蜆同蝦，佢個麵包蟹同蟹腳唔錯，麵包蟹膏好澎湃🤩；蟹腳肉質飽滿，食落去多汁鮮甜，完全唔會死鹹！最驚喜佢有即開生蠔🦪，全部都好肥美，食到海水嘅鮮味，有回甘嘅感覺👍🏻🍣/刺身壽司有六款刺身🐟：吞拿魚、三文魚、鯛魚、八爪魚、帶子、甜蝦同希靈魚。三文魚同甜蝦最出色，三文魚肥美鮮甜，甜蝦軟糯甘甜，刺身正常發揮～🍖/熱葷先有鐵板區嘅料理：香煎羊扒、香煎鵝肝、香煎牛舌、燒牛仔骨、雜錦沙嗲串燒、章魚燒、香草烤羊脾，酥炸生蠔，全部即整脆卜卜！西式就有烤牛肉眼🥩、威靈頓三文魚，仲有中式片皮鴨🦆同燒味，全部都幾高質！另外
------------------------------
🐟◖漁躍滋味自助餐◗
見到呢個自助餐OpenRice book位$500頭就試到，超抵玩🈹！而家仲買有優惠每人加$99仲有得free-flow飲飲紅白餐酒，呢個價錢仲要近海，即刻衝嚟試一試！
🦐/海鮮
凍海鮮有麵包蟹、蟹腳、小龍蝦、東風螺、青口、冰鎮蜆同蝦，佢個麵包蟹同蟹腳唔錯，麵包蟹膏好澎湃🤩；蟹腳肉質飽滿，食落去多汁鮮甜，完全唔會死鹹！最驚喜佢有即開生蠔🦪，全部都好肥美，食到海水嘅鮮味，有回甘嘅感覺👍🏻
🍣/刺身壽司
有六款刺身🐟：吞拿魚、三文魚、鯛魚、八爪魚、帶子、甜蝦同希靈魚。三文魚同甜蝦最出色，三文魚肥美鮮甜，甜蝦軟糯甘甜，刺身正常發揮～
🍖/熱葷
先有鐵板區嘅料理：香煎羊扒、香煎鵝肝、香煎牛舌、燒牛仔骨、雜錦沙嗲串燒、章魚燒、香草烤羊脾，酥炸生蠔，全部即整脆卜卜！西式就有烤牛肉眼🥩、威靈頓三文魚，仲有中式片皮鴨🦆同燒味，全部都幾高質！另外當日仲提供咖喱牛、茶碗蒸、芝士焗蠔、肉骨茶、上湯浸時蔬、薑蔥蒸比目魚、雞肉蘑菇意粉、翡翠XO醬炒蝦球🍤、香蒜粉絲蒸扇貝、紅燒花膠燴鴨掌、小籠包同豬腳薑，熟食款式好多，而且集合各國料理，唔會獨沽一味，新鮮感Max！
🍨/甜品門口位就係甜品區，主要都係細細件嘅切餅，又唔同味嘅慕絲蛋糕，特別推薦佢個紐約芝士蛋糕，夠實淨、芝士味濃郁！仲有即製嘅榴槤撻、葡撻同格仔餅，格仔餅再加上榴槤味雪糕球真係不得了，大推🫶！
☕️/飲品
有果汁、咖啡同玻璃樽裝汽水提供，另外+$99pp錢仲可以free-flow紅白餐酒🥂
🌟Encore指數：8.7/10
張貼
